Gigt         (smátt og smátt verður settur fróðleikur um gigt inn á síðuna)

                               Nýuppgötvaður gigtarvaldur


Rannsókn við Harvard háskólann bendir til þess að kolvetni sem fyrirfinnast eðlilega í náttúrunni valdi viðbrögðum í ónæmiskerfinu sem leiða til liðagigtar.  Þetta eru ekki sykrur eða mjölvi, heldur flóknar kolvetnissameindir – glycosaminoglycan (GAG) – og finnast í bindivef líkamans og í liðvökva.
Liðagigt eða iktsýki skv. kenningu Dr. Juliu Ying Wang, orsakast af því að ónæmisfrumur eða mótefni bindast GAG og valda sársauka og bólgum. Liðagigt er langvinnur sjúkdómur þar sem ónæmiskerfið ræðst á vefi sem fóðra liðina.  Hingað til hafa menn viljað tengja gigt við eggjahvítuefni og grunnefni þeirra sem kallast peptíð. Dr. Wang ákvað að skoða áhrif þessa efnis á gigt þar sem kolvetni eru meginuppistaða liðvefja, og vegna þess að liðagigtarsjúklingar eru með meira magn af ákveðnum GAG sameindum í liðum.
Gerð var tilraun með músum og þær sprautaðar með GAG sameindum.  Kom í ljós að mýsnar fengu krónísk liðagigtareinkenni, þ.á.m. bólgu og þrútnun himna sem klæða liðina, í vefi kringum sinar og í skinn.  Í sumum dýrum varð ákveðin beineyðing.  Mótefni bundust við GAG sameindirnar og söfnuðust saman við liði.
Wang og samstarfsaðilar hennar hafa síðan fundið mótefni við GAG í  liðagigtarsjúklingum.  Þetta er í fyrsta sinn sem slík mótefni hafa sést í dýrum eða mönnum.  Þessi mótefni geta verið hluti af viðbrögðum líkamans við bakteríusýkingu.  Frumur ónæmiskerfisins gefa líka frá sér GAG þegar verið er að berjast við sýkingu.  Þetta getur ruglað ónæmisfrumurnar í ríminu þannig að þær fari að ráðast á GAG sameindir í eigin vefjum líkamans.
Nú er verið að rannsaka sameindir sem geta komið í veg fyrir bindingu mótefna við GAG.    Lyf sem byggðu á slíkum sameindum gætu hugsanlega hjálpað liðagigtarsjúklingum.  Einnig gætu prófin sem Wang og félagar hennar hafa þróað til að greina GAG mótefni verið notuð til að finna þá sem eiga á hættu að fá þennan slæma sjúkdóm.
Reuters Health – Anne Harding, 21.8.02 (einnig www.arthritis.about.com)  - Þýðing: Olga Sverrisdóttir.

                        

fimmtudagur 15 nˇvember 11 2018
Nřjustu frÚttir
Kæru skjólstæðingar.Við verðum mættar til starfa...
Haldið verður námskeið í kinesio-teipun fyrir fagfólk sem hefur...
Kæri skjólstæðingur og eða verðandi skjólstæðingur...